﻿Zabur 95
MONGINDAZOU DI TUHAN

(Pemimpin)
Tokou-no, mongindazou di Tuhan

(Jemaat)
Gunao tokou-no i pampang di koposizan tokou.

(Pemimpin)
Sumamba tokou-no sid tinoguvangon Dau, tu monorima kaseh

(Jemaat)
Mindolongoi tokou-no do torima kasih sid Dau.

(Pemimpin)
I Tuhan, ino-no i raja do keso om banalko apangkat.

(Jemaat)
I Tuhan, ino-no i Kinoringan i kipangkat.

(Pemimpin)
I konopuan do pomogunan, sid palad kavi di Tuhan.

(Jemaat)
Om it ongoburul nga iosido-no o sanganu.

(Pemimpin)
I rahat nga i Tuhan o sanganu, sabap iosido-no o minongurug,

(Jemaat)
Om i putanaon, nga inurugi Dau.

(Pemimpin)
Siti-kou-no tumoronong tokou-no sid tinoguvangon Dau om sumingkudou-ogi

(Jemaat)
Tu mangarazou tokou di Tuhan, i minongurug di tokou.

(Pemimpin)
Sabap iosido-no i Kinoringan tokou

(Jemaat)
Om i tokou-no i bansa di tinaud Dau.

(Pemimpin)
Iadko i bahanan do domba di tinunda di longon Dau.

(Jemaat)
Biano pongining-kou-no om pangasip-kou-no di boros do Kinoringan:

(Pemimpin)
Kada-no pokodoho i ginavo dikou iadko i hiza di sid Meriba

(Jemaat)
Om iadko i hiza di sid pampang Masa sid belantara.

(Pemimpin)
Tu i hiza diri minoguhang it angaki dikou dohon sampai minonuba dohon.

(Jemaat)
Nemot-no i gama-ku, nga amui kasip ioti.

(Pemimpin)
Apat nopod tinounan dot opogos-oku lumanut dino bansa-ku

(Jemaat)
Sampai nokoboros-oku-no di hiza diri dot,

(Pemimpin)
Ioti-no dino o bansa dit amu atantu.

(Jemaat)
Amu kaharati ioti sumuhut di vazaan-ku, kangku.

(Pemimpin)
Sabap ino, nokoboros-oku-no sid saralom di hungot-ku dot,

(Semua)
Amu kosuvang ioti sid intoronon-ku, kangku, ka di Kinoringan.

